Psa 15 | TwiNAK | STEP | Awurade , hena na ɔbɛkɔ wʼasɔrefi? Hena na ɔbɛsom wɔ Sion, wo bepɔw kronkron no so?

Psalms 15

Nea Onyankopɔn hwehwɛ

1 Awurade, hena na ɔbɛkɔ wʼasɔrefi?
Hena na ɔbɛsom wɔ Sion, wo bepɔw kronkron no so?
2 Onipa a otie Onyankopɔn wɔ biribiara mu no, na daa ɔyɛ ade trenee, na ne nsɛm yɛ nokware,
3 na ommu afoforo abomfiaa.
Ɔnyɛ nʼafɛfo bɔne na onni wɔn ho nseku.
4 Obu wɔn a Onyankopɔn apa wɔn no animtiaa, na odi wɔn a wotie Awurade no ni.
Ɔkwan biara so, odi ne bɔhyɛ so.
5 Ɔma bosea a, onnye mfantom na wontumi nhyɛ nʼafonom sɛ onni adansekurum.
Nea ɔyɛ eyinom no tim hɔ daa.